اوہائیو: غرقاب ’ٹائٹن آبدوز‘ کے بعد دوبارہ ارب پتی تاجر نے ’ٹائی ٹینک‘ تک پہنچنے کے منصوبہ کا اعلان کردیا۔
گزشتہ سال جون کے مہینے میں جہاں امریکی سیاحتی کمپنی اوشین گیٹ کی سب میرین کے حادثے نے دنیا بھر کی توجہ حاصل کی تھی، جس میں معروف کاروباری شخصیات سمیت 5 شخصیات موت کا شکار ہو گئی تھیں۔
حال ہی میں اب ایک ارب پتی کی جانب سے ایک بار پھر اس ایڈونچر والے سفر کو کرنے کا ارادہ ظاہر کر دیا ہے۔
امریکی ریاست اوہائیو سے تعلق رکھنے والے ارب پتی لیری کانر کی جانب سے 20 ملین ڈالرز کی سب میرین کو ٹائی ٹینک سائٹ پر لے جانے کا پلان بنایا ہے،رئیل اسٹیٹ انویسٹر لیری کانر کی جانب سے کہنا تھا کہ وہ اور ٹرائی ٹن سبمیرین کے کو فاؤنڈر پیٹرک لیہے 12 ہزار 400 فٹ گہرائی میں موجود ٹائی ٹینک کے تباہ شدہ حصے کو دیکھنے کے لیے جائیں گے۔
کانر نے بتایا کہ میں دنیا بھر میں لوگوں کو بتانا چاہتا ہوں کہ اوشین انتہائی طاقتور ہے، ساتھ ہی یہ شاندار اور پُر لطف مقام ہے، جبکہ حقیقت میں انسانی کی زندگی تبدیل کر دینے والا مقام بھی ہے۔
لیہے کی جانب سے 20 ملین ڈالرز کی خطیر رقم سے اس سبمیرین ٹرائی ٹن 2/40000 ابیسیل ایکسپلورر بنائی گئی ہے،جبکہ کانر نے امید ظاہر کرتے ہوئے بتایا کہ پیٹرک اس سبمیرین کے ڈیزائن پر کئی دہائیوں سے کام کر رہا تھا۔
جبکہ دونوں شخصیات کی جانب سے اعادہ کیا گیا ہے اور اس بات کو باور کرانے کی کوشش کی گئی ہے کہ وہ اس سفر کو بنا کسی سانحے کے مکمل کر لیں گے۔
خیال رہے کہ اس سے قبل 2023 میں اوشین گیٹ کمپنی کی ٹائٹن سبمرسیبل جون کے مہینے میں 5 افراد کو لے کر ٹائی ٹینک کے مقام پر گہرائی میں جا رہی تھی، جو کہ حادثے کا شکار ہو گئی تھی۔
