دبئی:بھارتی ٹیلی ویژن اسٹار راکھی ساونت نے پاکستان تحریک انصاف کے بانی اور سابق وزیراعظم عمران خان کی جیت کے لیے دُعا کرتے ہوئے کہا ہے کہ اگر عمران خان رہا ہوگئے تو وہ پاکستان جاکر اُنہیں مبارکباد دیں گی۔
متحدہ عرب امارات میں راکھی ساونت کا نیا گانا ‘بےبی ڈرامہ کوئین’ لاؤنچ کیا گیا، اس تقریب میں راکھی ساونت نے میڈیا سے گفتگو کرتے ہوئے کہا کہ وہ عمران خان کو بہت پسند کرتی ہیں۔
راکھی ساونت نے کہا کہ میں بھارت کی پہلی خاتون ہوں جو عمران خان اور پی ٹی آئی کی حمایت کررہی ہوں، میں دل سے چاہتی ہوں کہ عمران خان کی جیت ہو اور مجھے یقین ہے کہ وہ کامیاب ہوجائیں گے۔
