روم: اٹلی میں غیرت کے نام پر بیٹی کو قتل کرنے والے پاکستانی والدین کو عمر قید کی سزا سنا دی گئی ہے۔، والدین پر مقتولہ بیٹی کو شادی کیلئے پاکستان جانے سے انکار پر قتل کا الزام تھا۔
غیرملکی میڈیا کے مطابق اٹلی کی عدالت میں مقتولہ ثمن کو شادی کیلئے پاکستان جانے سے انکار پر قتل کرنے کا جرم ثابت ہو گیا جس پر عدالت نے والدین کو سزا سنائی، ثمن کے چچا کو 14 سال قید اور دو کزنوں کو بری کر دیا گیا، مجرموں کو فیصلے کیخلاف اپیل کا حق دیا گیا ہے۔
یاد رہے کہ اپریل 2021ء میں لاپتا ثمن کی لاش کی باقیات 2022ء میں اٹلی میں اس کے گھر کے نزدیک سے ملی تھیں، والدین پر مقتولہ بیٹی کو شادی کیلئے پاکستان جانے سے انکار پر قتل کا الزام تھا۔
رپورٹس کے مطابق مقتولہ ثمن عباس کے والد شبر عباس کو گزشتہ برس نومبر میں پاکستانی گاوٴں سے حراست میں لیا گیا، ثمن کی والدہ تاحال مفرور اور ممکنہ طور پر پاکستان میں چھپی ہوئی ہے۔
