ریاض: ایوان شاہی نے اعلان کیا کہ شہزادہ بندر بن محمد بن سعود آل سعود کا انتقال ہوگیا، ان کی نماز جنازہ آج بعد نماز ظہر امام ترکی بن عبداللہ مسجد ریاض میں ادا کی جائے گی۔
شہزادہ بندر بن محمد کچھ عرصے سے کافی علیل اور زیر علاج تھے، گزشتہ روز حرکت قلب بند ہونے کی وجہ سے خالق حقیقی سے جا ملے، شہزادہ بندر بن محمد کے انتقال پر بحرینی شاہ نے سعودی شاہی خاندان سے تعزیت کا اظہار کیا ہے۔
یاد رہے کہ شہزادہ بندر بن محمد سعودی عرب میں کھیلوں کے انعقاد کے حوالے سے بہت زیادہ سرگرم تھے، وہ 1996ء سے 2000ء تک الہلال فٹبال کلب کے صدر بھی رہے ہیں۔
