اسرائیلی فوج نے دعویٰ کیا ہے کہ ایران کے داغے گئے 99 فیصد ڈرون اور میزائلوں کو تباہ کر دیا گیا ہے۔
اسرائیلی وزیرِ دفاع کا کہنا ہے کہ ایران نے 300 سے زائد پروجیکٹائل اسرائیل کی طرف داغے، بیلسٹک میزائلوں کی معمولی تعداد اسرائیلی سر زمین تک پہنچ سکی۔
دوسری جانب اسرائیل کے انتہائی دائیں بازو کے نیشنل سیکیورٹی وزیر اتمار بن گویر نے کہا ہے کہ اب ایران کے خلاف کچلنے والے حملے کی ضرورت ہے۔
اتمار بن گویر نے ایرانی حملے کے خلاف اسرائیلی فوجی دفاع کو سراہا۔
