راولپنڈی:سابق وزیراعلیٰ پنجاب پرویزالہٰی کے اڈیالہ جیل میں گرنے سے زخمی ہونے کے معاملہ کی تفصیلی میڈیکل رپورٹ منظر عام پر آگئی۔
پرویزالہٰی کے واش روم میں گرنے سے دائیں سائیڈ کی چوتھی پسلی فریکچر ہوئی، پسلی میں فریکچر ایکسرے رپورٹ میں سامنے آیا، پرویزالہٰی کے گرنے سے سر پر بائیں طرف چوٹ کا نشان موجود ہے، واش روم میں گرنے سے پرویزالہٰی کے ماتھے پر بھی چوٹ آئی ہے۔
میڈیکل رپورٹ میں بتایا گیا پرویزالہٰی کو بائیں آنکھ کے قریب بھی چوٹ آئی، پرویزالہٰی کے بائیں بازو پر بھی چوٹ لگی، پرویزالہٰی کی چھاتی کے دائیں حصے پر سوجن ہے، پرویزالہٰی کا بائیاں گھٹنا بھی گرنے سے زخمی ہوا، پرویزالہٰی کے ایکسرے جیل میں لئے گئے۔
رپورٹ میں مزید بتایا گیا پرویزالہٰی کا چیک اپ پمز اسلام آباد اور بینظیر بھٹو ہسپتال راولپنڈی کے سینئر ڈاکٹرز نے کیا، سینئر ڈاکٹرز کی ٹیم میں جنرل سرجن، ماہر کارڈیولوجسٹ اور آرتھوپیڈک شامل تھے، ڈاکٹرز نے میڈیکل رپورٹ میں پرویزالہٰی کو دو ہفتے آرام کا مشورہ دیا ہے۔
سپرنٹنڈنٹ اڈیالہ جیل نے میڈیکل رپورٹ انسداد دہشتگری عدالت اسلام آباد میں جمع کروا دی ہے۔
