اسلام آباد: عوامی نیشنل پارٹی نے صدارتی الیکشن میں پاکستان پیپلزپارٹی اور اتحادی جماعتوں کے مشترکہ امیدوار آصف علی زرداری کی حمایت کا اعلان کردیا۔
پاکستان پیپلز پارٹی پارلیمنٹرینز کے صدر آصف علی زرداری سے اے این پی خیبرپختونخوا کے صدر ایمل ولی خان کی قیادت میں وفد نے اسلام آباد میں ہفتے کے روز ملاقات کی۔
سابق صدر آصف علی زرداری اور اے این پی خیبرپختونخوا کے صدر ایمل ولی خان کی موجودہ سیاسی صورتحال پر گفتگو کی جبکہ اے این پی نے 9 فروری کو ہونے والے صدارتی انتخابات میں صدر آصف علی زرداری کی حمایت کا اعلان کردیا۔
سابق صدر آصف علی زرداری نے صدارتی انتخابات میں حمایت پر اے این پی کی قیادت کا شکریہ ادا کیا۔
خیال رہے کہ نئے صدر کے انتخاب کیلیے الیکشن 9 مارچ کو ہوں گے، اتحادی جماعتوں کے مشترکہ امیدوار آصف زرداری ہیں جبکہ اُن کے مد مقابل محمود خان اچکزئی ہیں۔
