ممبئی: بالی ووڈ اداکار شاہ رخ خان کی اہلیہ گوری خان نے بھارت کے شہر ممبئی میں اپنا ذاتی ریسٹورنٹ کھول لیا ہے۔
گوری خان نے اپنے نئے ریسٹورنٹ کا نام ’ٹوری ممبئی‘ رکھا ہے اور اس کی انٹیریئر ڈیزائننگ بھی گوری خان نے خود کی ہے، افتتاحی تقریب میں بالی وڈ کے متعدد ستاروں نے شرکت کی جس میں کرن جوہر، چنکی پانڈے، سوزین خان، سنجے کپور، سیما سجدے، مہیپ کپور اور دیگر شامل تھے۔
یاد رہے کہ شاہ رخ خان کی اہلیہ پیشے کے اعتبار سے ایک مشہور انٹیریئر ڈیزائنر ہیں اور وہ متعدد ہوٹلوں کو اپنی خدمات مہیا کر چکی ہیں تاہم اپنے نئے ریسٹورنٹ کے حوالے سے گوری خان نے ایک ہفتہ قبل اپنے انسٹاگرام اکاؤنٹ پر لوگوں کو خبر دی تھی اور جلد افتتاح کی خوشخبری سنائی تھی۔
