لندن:عالمی عدالت انصاف کے فیصلے پر برطانیہ کا ردِعمل
عالمی عدالت انصاف کے اسرائیل مخالف فیصلے پر برطانیہ کا ردعمل آگیا۔
ترجمان فارن کامن ویلتھ اینڈ ڈیولپمنٹ آفس نے عرب میڈیا سے گفتگو کرتے ہوئے کہا کہ غزہ میں اسرائیلی اقدامات نسل کشی کے طور پر نہیں لیے جاسکتے۔
ان کا کہنا تھا کہ ہم آئی سی جے کے کردار اور اس کی آزادی کا احترام کرتے ہیں، ہمیں اس کیس پر قابلِ ذکر تحفظات ہیں۔
ترجمان کامن ویلتھ آفس نے کہا کہ جنوبی افریقہ کا عالمی عدالت میں کیس لانا غلط اور اشتعال انگیز تھا۔
