اسلام آباد: الیکشن کمیشن نے 31 دسمبر تک گوشوارے جمع نہ کرانے والے ارکان سینیٹ کے نام جاری کر دیئے۔
الیکشن کمیشن کے مطابق 15 جنوری تک گوشوارے جمع نہ کرانے کی صورت میں 16 جنوری کو رکنیت معطل کر دی جائے گی، گوشوارے جمع نہ کرانے والوں میں یوسف رضا گیلانی، مصدق ملک، سیف اللہ نیازی شامل ہیں، شاہین خالد بٹ، عون عباس، نزہت صادق بھی گوشوارے جمع نہ کرانے والوں میں شامل ہیں۔
سینیٹر نثار کھوڑو، تاج حیدر، خالدہ عطیب نے بھی گوشوارے جمع نہیں کرائے، شوکت ترین، پیر صابر شاہ، لیاقت ترکئی، مولانا عطاء الرحمان، ذیشان خانزادہ، ثانیہ نشتر نے بھی گوشوارے جمع نہیں کرائے، ایوان بالا کے 27 موجودہ اور ایک سابق رکن نے گوشواروں کی تفصیل جمع نہیں کرائی۔
الیکشن کمیشن نے کہا کہ دنیش کمار، ثمینہ ممتاز، سعید ہاشمی، محمد قاسم، محمد عبدالقادر، ہدایت اللہ نے بھی گوشوارے جمع نہیں کرائے، دوست محمد، گردیپ سنگھ اور ہدایت اللہ خان بھی گوشوارے جمع نہ کرانے والوں میں شامل ہیں۔
