فوٹو فائل
نئی دہلی: بھارت میں کورونا وائرس نے ایک بار پھر سر اٹھالیا جہاں 24 گھنٹوں میں وائرس سے 4 افراد ہلاک ہوئے۔
بھارتی میڈیا کے مطابق ملک میں 24 گھنٹوں میں 752 نئے کورونا کیسز رپورٹ ہوئے ہیں جو 21 مئی کے بعد سے اب تک سال کے سب سے زیادہ رپورٹ ہونے والے کیسز ہیں۔
یونین ہیلتھ منسٹری کا بتانا ہےکہ بھارت میں اب ایکٹو کورونا کیسز کی تعداد 3 ہزار 420 ہوگئی ہے۔
بھارتی میڈیارپورٹس میں بتایا گیا ہے کہ گزشتہ 24 گھنٹوں میں 4 افراد کورونا وائرس کی وجہ سے جان کی بازی ہارچکے ہیں، جن میں سے 2 کا تعلق ریاست کیرالہ، ایک کا راجستھان اور ایک کا تعلق کرناٹک سے ہے۔
یاد رہے کہ بھارت میں مجموعی طور پر اب تک کویڈ19 سے کورونا کے ساڑھے چار کروڑ کیسز رپورٹ ہوچکے ہیں ۔
