گونگ ڈونگ:چینی کمپنی نے اپنے ملازمین کو صحت مند و تندرست رکھنے کےلیے اپنی سالانہ بونس اسکیم میں تبدیلی کرکے سب کو حیران کردیا۔
چینی صوبے گونگ ڈونگ میں کاغذ بنانے والی کمپنی ڈونگپو پیپر اس وقت عالمی سطح پر شہ سرخیوں میں آئی جب اس نے اپنے بونس اسکیم کو کام کی پرفارمنس کے بجائے ایتھلیٹک پرفارمنس پر منتقل کردیا۔
جی ہاں! آپ نے بالکل درست پڑھا۔ چینی کمپنی انتظامیہ نے اپنے ملازمین میں صحت مند زندگی برقرار رکھنے کے عزم کے فروغ کیلئے سالانہ بونس کو دوڑ سے مشروط کردیا۔
چہل قدمی یا دوڑ، دونوں میں سے کیا بہتر ہے؟
زیادہ تر لوگ اپنی ورزش کا آغاز چہل قدمی یا دوڑ سے کرتے ہیں اور یہی دونوں ورزشیں دل کی صحھت کیلئے کار آمد ثابت ہوتی ہیں۔
کمپنی کا کہنا ہے کہ اگر کوئی ملازم ماہانہ 50 کلومیٹر تک دوڑے گا تو وہ ماہانہ بونس لینے کا اہل ہوگا۔
اسی طرح اگر 40 کلومیٹر ماہانہ دوڑنے والا اپنی تنخواہ کا 60 فیصد بونس جبکہ 30 کلومیٹر دوڑنے والا تنخواہ کا 30 فیصد بونس لینے کا اہل ہوجائے گا۔
کمپنی مالک لین ژیونگ کا کہنا ہے کہ میرا کاروبار صرف اسی صورت میں برقرار رہ سکتا ہے جب میرے ملازمین صحتمند ہوں۔
انہوں نے بتایا کہ وہ گزشتہ تین برس سے اپنے ملازمین کی کھیل و ورزش کےلیے حوصلہ افزائی کر رہے ہیں۔
چینی میڈیا نے دعویٰ کیا ہے کہ کمپنی ملازمین اس پالیسی سے خوش دکھائی نہیں دیتے، لیکن سوشل میڈیا پر اس اقدام کو خوب سراہا جارہا ہے۔
