ہالینڈ: ڈچ کک (باورچن) کو اپنے دوستوں کیلئے تیار کردہ ’’بھنگ‘‘ ملا سپیس کیک تیار کرنا مہنگا پڑ گیا۔
ہالینڈ سے تعلق رکھنے والی ڈچ کک صرف مارسیکا ’زیلینڈ ہوٹل‘ میں کافی عرصے سے ملازمت کر رہی تھیں۔
رواں برس جب ریٹائرمنٹ سے قبل ان کا آخری دن تھا تو انہوں نے اس موقع کو یادگار بنانے کیلئے بھنگ ملا کیک تیار کیا تاکہ اپنے پرانے ساتھیوں کو سرپرائز دیا جائے۔
مارسیکا نے کیک تیار کرنے کے ساتھ ایک نوٹ چھوڑا کہ یہ ڈیوٹی ٹائم کے بعد کھایا جائے، لیکن بد قسمتی سے ان کے ساتھیوں سے انتظار نہ ہوا اور انہوں نے کام کے دوران ہی اس نشہ آور کیک کو کھا لیا جس کی وجہ سے ان کے کافی ساتھیوں کی حالت خراب ہوگئی۔
بعدازاں مارسیکا کو عدالت کا سامنا کرنا پڑا جہاں انہیں جرمانے کے علاوہ مختصر سزا بھی سنائی گئی۔
