پشاور:جسٹس ریٹائرڈ ارشد حسین شاہ نے بطور نگران وزیراعلیٰ خیبرپختونخوا اپنے عہدے کا حلف اٹھا لیا۔
خیبرپختونخوا کے گورنر حاجی غلام علی نے جسٹس ریٹائرڈ ارشد حسین شاہ سے ان کے عہدے کا حلف لیا، تقریب حلف برداری میں چیف جسٹس پشاور ہائی کورٹ جسٹس محمد ابراہیم خان سمیت سیاسی و سماجی شخصیات نے شرکت کی۔
قبل ازیں جسٹس ریٹائرڈ ارشد حسین شاہ کا نام منظوری کیلئے گورنر خیبر پختونخوا کو بھیجا گیا تھا، گورنر کے سمری پر دستخط کے بعد جسٹس ریٹائرڈ ارشد حسین شاہ کو نگران وزیر اعلیٰ خیبرپختونخوا مقرر کر دیا جس کے ساتھ ہی ان کی تقرری کا نوٹیفکیشن بھی جاری کر دیا گیا۔
جسٹس ریٹائرڈ ارشد حسین شاہ کا تعلق ایبٹ آباد سے ہے، وہ چیف جسٹس سپریم ایپلیٹ کورٹ گلگت بلتستان رہ چکے ہیں اور خیبر پختونخوا کی نگران کابینہ کا حصہ بھی تھے۔
