بنگلور : بھارت میں جاری آئی سی سی مینز کرکٹ ورلڈ کپ 2023 کے 41 ویں میچ میں سری لنکا کی نیوزی لینڈ کے خلاف بیٹنگ جاری ہے ۔سری لنکا نے 2اوورز میں ایک وکٹ کے نقصا ن پر 7رنز بنائے ہیں ۔
آئی سی سی مینز کرکٹ ورلڈ کپ 2023 کے 41 ویں میچ میں نیوزی لینڈ نے سری لنکا کیخلاف ٹاس جیت کر فیلڈنگ کا فیصلہ کیا ہے۔
دونوں ٹیمیں بھارتی شہر بنگلور کے ایم چنا سوامی سٹیڈیم میں مدمقابل ہیں جہاں کیویز کی قیادت کین ولیمسن کر رہے ہیں جبکہ ا?ئی لینڈرز کی کمان کوشال مینڈس کے ہاتھوں میں ہے۔
واضح رہے کہ دونوں ٹیمیں میگا ایونٹ میں اب تک اپنے 8،8 میچز کھیل چکی ہیں جن میں سے نیوزی لینڈ 4 میچز میں فاتح اور 4 میں ناکام رہی ہے جبکہ سری لنکا اب تک صرف 2 میچز میں ہی فتح سے ہمکنار ہوئی جبکہ 6 میں اسے ناکامی کا سامنا کرنا پڑا ہے۔
ایونٹ کے پوائنٹس ٹیبل پر بلیک کیپس 8 پوائنٹس کے ساتھ چوتھے جبکہ سری لنکا 4 پوائنٹس کے ساتھ 9 ویں نمبر پر ہے۔
یاد رہے کہ بھارت، جنوبی افریقہ اور آسٹریلیا کی ٹیمیں سیمی فائنل کے لیے کوالیفائی کرچکی ہیں جبکہ سپر فور کے لیے چوتھی ٹیم کا انتخاب ہونا ابھی باقی ہے۔
