ماسکو: روس نے حسن نصر اللہ کے قتل کی شدید مذمت کرتے ہوئے لبنان اور پورے مشرق وسطیٰ کے لیے ڈرامائی نتائج کی تنبیہ کردی۔
روسی وزارت خارجہ نے جاری بیان میں بیروت میں اسرائیلی حملے میں حزب اللہ سربراہ سید حسن نصر اللہ کی شہادت کو اسرائیل کی جانب سے ایک اور سیاسی قتل قرار دیا۔
روسی وزارت خارجہ نے کہا کہ اسرائیلی کارروائی لبنان اور پورے مشرق وسطیٰ کے لیے ڈرامائی نتائج سے بھرپور ہے جس سے تشدد کی نئی لہر جنم لے گی۔
روسی وزارت خارجہ نے کہا کہ عالمی برادری خطے کو مکمل جنگ طرف جانے سے روکنے کے لیے اپنی ہر ممکن کوشش کرے۔
خیال رہے کہ جمعہ کو بیروت پر اسرائیلی فضائی حملے میں حزب اللہ کے سربراہ حسن نصر اللہ شہید ہوگئے تھے۔
