پٹنہ: بھارت میں جعلی ڈاکٹر نے یوٹیوب پر ویڈیو دیکھ کر آپریشن کرنے کی کوشش کی جس کے نتیجے میں 15 سالہ لڑکے کی طبیعت بگڑ گئی۔
بھارتی میڈیا کے مطابق ریاست بہار کے دارالحکومت پٹنہ میں کرشنا کمار نامی لڑکے کو قے ہونے کی شکایت پر مقامی اسپتال منتقل کیا گیا۔
ڈاکٹرز نے پِتّے میں پتھری تشخیص کی اور آپریشن تجویز کیا تاہم والدین نے کہا کہ ڈرپ لگانے کے بعد لڑکے کی طبیعت ٹھیک ہے اس لیے سرجری نہ کریں۔
ڈاکٹر اجیت کمار نے زور دیا کہ پِتّا کسی بھی وقت پھٹ سکتا ہے اس لیے اس وقت ا?پریشن ناگزیر ہے۔
بچے کے اہل خانہ نے الزام عائد کیا کہ ڈاکٹر نے یوٹیوب کی ویڈیو دیکھ دیکھ کر ا?پریشن کرنا شروع کیا لیکن بیٹے کی طبیعت بگڑ گئی۔
بچے کی حالت مزید خراب ہونے پر ڈاکٹر نے ایمبولینس منگوائی اور بڑے اسپتال لے کر گئے لیکن راستے میں طبیعت مزید خراب ہوگئی۔
ڈاکٹر اور عملہ بچے کو نیم مردہ حالت میں لواحقین کے ساتھ اسپتال کی سیڑھیوں پر چھوڑ کر فرار ہوگیا۔
والدین بچے کو ایمرجنسی وارڈ لے کر گئے جہاں اس کی موت کی تصدیق کردی گئی۔
وزارت صحت کا کہنا ہے کہ جس ڈاکٹر نے پِتّے کا آپریشن کیا تھا وہ جعلی ڈاکٹر تھا جس کی تلاش جاری ہے جب کہ اس کا اسپتال سیِل کردیا گیا۔
