پرتھ: آسٹریلیا کے ائیرپورٹ پر مسلسل 10 روز نائٹ شفٹ کرنے سے تنگ واحد ایئر ٹریفک کنٹرولر بھی ڈیوٹی کے دوران سوتا رہ گیا۔
غیر ملکی خبر رساں ادارے کے مطابق آسٹریلوی ٹرانسپورٹ سیفٹی بیورو کی رپورٹ میں انکشاف کیا گیا ہے کہ ایئر ٹریفک کنٹرولر کے غیر ذمہ دارانہ رویے نے سب کو چونکا دیا ہے۔
رپورٹ کے مطابق یہ واقعہ برسبین ائیرپورٹ پر دسمبر 2022 میں پیش آیا تھا جب ہوائی اڈے کا واحد ائیر ٹریفک کنٹرولر سوتا رہا کیوں کہ وہ مسلسل 10 نائٹ شفٹس کرچکا تھا۔
نیند پوری نہ ہونے کی وجہ سے وہ صبح کے وقت کرسیوں پر ٹانگیں رکھ کر کمبل اوڑھے لمبی تان کر سوتا رہ گیا۔
رپورٹ میں کہا گیاہے کہ خوش قسمتی سے اس دوران نہ کوئی پرواز آئی اور نہ ہی کسی نے اُڑان بھرنی تھی ورنہ کوئی بڑا حادثہ ہوسکتا تھا۔
