ماسکو: روس میں 7.2 شدت کے طاقتور زلزلے سے زمین لرز اٹھی، حکام نے سونامی کے خطرے کی وارننگ جاری کر دی ہے۔
عالمی خبر رساں ادارے کی خبر کے مطابق روس کے شمالی ساحلی علاقوں سمیت پیٹروپاولوسکی کمچٹکا نامی شہر اس طاقتور زلزلے کے مرکز کے قریب تھا، جس کی وجہ سے زلزلے کے جھٹکے اسی شہر میں زیادہ محسوس کیے گئے۔
جبکہ جیولوجیکل محکمے کا کہنا ہے زلزلہ شہر سے 55 کلومیٹر دور تھا اور اس کی گہرائی 18 میل تھی، طاقتور زلزلے کے جھٹکے 100 کلومیٹر دور تک محسوس کیے گئے۔
رپورٹس کے مطابق زلزلے کے جھٹکوں کے بعد علاقے میں سونامی کی وارننگ جاری کر دی گئی ہے جبکہ ریسکیو عملے کو بھی الرٹ کر دیا گیا ہے۔
خبر کے مطابق طاقتور زلزلے سے کسی جانی یا مالی نقصان کا اطلاع نہیں ملی ہے۔
مقامی ایمرجنسی اتھارٹی نے ٹیلی گرام پر کہا کہ زیادہ تر آفٹر شاکس ناقابل فہم ہیں، لیکن ہم پوری طرح الرٹ ہیں۔
