پاکستانی فوج نے دریا میں بہہ کر آنے والے امارات اسلامی کی کے ایک ممبر کی لاش کو طورخم کے راستے واپس بھیج دیا۔
امارت اسلامی کے رکن افغانستان کے علاقے لال پورہ میں دریا میں ڈوب گئے تھے اور لاش بہتے ہوئے پاکستان پہنچی جسے پاک فوج کی فرنٹیئر کور خیبرپختونخواہ نارتھ کے جوانوں نے دریا سے نکالا۔
پاک فوج نے افغان حکام سے رابطہ کیا اور لاش کو ضروری کارروائی کے بعد بصد احترام واپس افغانستان بھیجوا دیا جس پر امارت اسلامی نے پاک فوج کے اعلیٰ کردار اور پیشہ ورانہ دیانت داری کی تعریف کی۔
پاک فوج نے دریا میں ڈوب کر جان بحق ہونے والے امارت اسلامی کے رکن کے اہل خانہ سے تعزیت کا اظہار بھی کیا جب کہ ان کے اہل خانہ نے بھی لاش کی حوالگی پر پاک فوج کا شکریہ ادا کیا۔
