پشاور:مشیر اطلاعات خیبر پختونخوا بیرسٹر محمد علی سیف نے کہا ہے کہ مریم نواز سن لیں وقت کا پہیا گھومنے میں دیر نہیں لگتی۔پی ٹی آئی خواتین ہر اذیت کا ڈٹ کر مقابلہ کر رہی ہیں مگر آپ نہیں کر سکیں گی۔
ایک بیان میں بیرسٹر محمد علی سیف نے کہا کہ مریم نواز پی ٹی آئی خواتین کو اذیت دینے میں کوئی کسر نہیں چھوڑ رہیں، عالیہ حمزہ، یاسمین راشد، ضنم جاوید اور دیگر کو غیرقانونی حراست میں لیا گیا ہے۔
انہوں نے کہا کہ ایک دن ان بہادر خواتین کی جگہ آپ سلاخوں کے پیچھے ہوں گی، پی ٹی آئی خواتین ہر اذیت کا ڈٹ کر مقابلہ کر رہی ہیں مگر آپ نہیں کر سکیں گی۔
بیرسٹر محمد علی سیف کا کہنا ہے کہ صنم جاوید کو پیشی کے بہانے لاہور کی سڑکوں پر پولیس وین میں گھمایا جارہا ہے، تپتی دھوپ میں وین گھنٹوں کھڑی کر کے ان کو اذیت دی جاتی ہے۔
پی ٹی آئی کے رہنما نے کہا کہ ضمانتیں ملنے کے باوجود پی ٹی آئی کی خواتین کو رہا نہیں کیا جا رہا۔
