نئی دہلی: بھارتی سابق کرکٹر سچن ٹنڈولکر نے عیدالفطر کے موقع پر سابق کھلاڑیوں کے نام مبارکباد کا پیغام دیاہے ۔کہتے ہیں حقیقی خوشی تحفے میں نہیں بلکہ ان لوگوں کی موجودگی میں ہے جو ہماری زندگیوں کو روشن کرتے ہیں۔
بھارتی کرکٹر سچن ٹنڈولکر نے سماجی رابطے کی ویب سائٹس پرعیدالفطر کے حوالے سے اپنا پیغام ٹوئٹ کیا، اپنے پیغام میں سچن ٹنڈولکر نے لکھا کہ سچن ٹنڈولکر کی جانب سے عید مبارک ہو۔
اپنے ٹوئٹ میں کرکٹر سچن ٹنڈولکرکا کہنا تھا کہ حقیقی خوشی تحفے میں نہیں بلکہ ان لوگوں کی موجودگی میں ہے جو ہماری زندگیوں کو روشن کرتے ہیں، دنیا بھر میں عید منانے والوں کو مبارک باد پیش کرتا ہوں۔
خیال رہے بھارتی کرکٹر سچن ٹنڈولکر نے مجموعی طور پر 664 بین الاقوامی کرکٹ میچ کھیلے اور 34,357 رنز بنائے، جبکہ کافی عرصہ تک سب سے زیادہ سنچریاں بنانے کا ریکارڈ بھی ان کے پاس رہا جو گزشتہ سال بھارت کے ہی بیٹر ویرات کوہلی نے توڑا۔
