پشاور: پی ٹی آئی کے چیئرمین بیرسٹر گوہر علی خان نے واضح کیا ہے کہ بانی پی ٹی آئی جلد باہر ہوں گے، بانی پی ٹی آئی کے سارے کیس سیاسی ہیں۔
چیئرمین پی ٹی آئی بیرسٹر گوہر علی خان نے پشاور میں ریلی سے خطاب کرتے ہوئے کہا کہ بانی پی ٹی آئی کا نظریہ ہی جیتے گا، عدلیہ کی آزادی لازم ہے، عید کے بعد مزاحمت ہوگی، بانی پی ٹی آئی کی رہائی کیلئے سڑکوں پر نکلیں گے۔
بیرسٹر گوہر علی خان نے مزید کہا کہ ملک پر قابض ٹولے نے عدلیہ کی آزادی اور بانی پی ٹی آئی کی رہائی چھینی، ان چوروں، ڈاکوؤں سے اپنا مینڈیٹ واپس لیں گے۔
شیر افضل مروت نے کہا کہ پی ٹی آئی عدلیہ کی آزادی کے لئے مضبوط چٹان ثابت ہوں گے۔
