اسلام آباد: پاکستان تحریک انصاف نے بانی پی ٹی آئی سمیت دیگر سیاسی رہنماوٴں اور اسیر صحافیوں کی رہائی کے لیے قرارداد قومی اسمبلی میں جمع کرا دی۔
قرارداد سابق سپیکر اسد قیصر نے دیگر رہنماوٴں کے ہمراہ قومی اسمبلی میں جمع کرائی۔
قرارداد میں بانی پی ٹی آئی و دیگر پارٹی رہنماؤں کے علاوہ اسیر صحافیوں کے خلاف غیرقانونی مقدمات ختم کر کے فوری رہائی کا مطالبہ کیا گیا ہے۔
پی ٹی آئی کی جانب سے قرارداد میں موقف اختیار کیا گیا ہے کہ سیاسی بنیادوں پر قائم کیے گئے مقدمات کی کوئی حیثیت نہیں ہے۔
قبل ازیں رہنما پاکستان تحریک انصاف اسد قیصر نے اسلام آباد میں میڈیا سے گفتگو کرتے ہوئے کہا تھا کہ ہم بانی پی ٹی آئی پر بنائے گئے مقدمات کو واپس لینے کے لیے قرارداد لارہے ہیں، ہم ایک قرارداد قومی اسمبلی میں جمع کروانے جارہے ہیں۔
