تہران: ایران میں 2022 میں ہونے والے احتجاج کے دوران پولیس اہلکار کو مبینہ طور پر کار تلے روند کر ہلاک کرنے اور دیگر 5 افراد کو زخمی کرنے والے شہری کو پھانسی دے دی گئی۔
الجزیرہ کی رپورٹ کے مطابق ایرانی عدلیہ کی خبرایجنسی نے بتایا کہ شہری محمدغوبادلو کو منگل کو پھانسی دے دی گئی تاہم انسانی حقوق کے رہنماؤں کی جانب سے ان کی پھانسی پر تنقید کی گئی اور کہا کہ انھیں شفاف ٹرائل کی سہولت نہیں دی گئی ۔
ایرانی عدلیہ کی خبرایجنسی میزان نے بتایا کہ سپریم کورٹ نے فیصلہ کو برقرار رکھا، جس کے بعد محمد غوبادی کی سزا پر آج صبح عمل درآمد کیا گیا۔
