ویلنگٹن:نیوزی لینڈ کی سابق وزیراعظم جیسنڈا آرڈرن دیرینہ دوست کی شریک حیات بن گئیں۔
غیرملکی میڈیا کے مطابق نیوزی لینڈ کی 43 سالہ سابق وزیراعظم جیسنڈا آرڈرن کی ان کے پارٹنر کلارک گیفورڈ کے ساتھ شادی کی تقریب میں قریبی رشتے داروں اور دوستوں نے شرکت کی۔
نیوزی لینڈ کی سابق وزیراعظم نے شادی کی تصاویر سوشل میڈیا پر جاری کردیں، جیسنڈا آرڈرن اور کلارک کی شادی 2022ء میں ہونا تھی جسے کرونا کی وبا کے باعث منسوخ کردیا گیا تھا۔
خیال رہے کہ نیوزی لینڈ کے شہر کرائسٹ چرچ کی مسجد پر2019ء میں سفید فام انتہا پسند کے حملے میں 52 نمازیوں کی شہادت پر جیسنڈا آرڈن نے سیاسی کیریئر کی پرواہ نہ کرتے ہوئے کھل کر مسلمان کمیونٹی کا ساتھ دیا تھا اور بطور وزیراعظم حملہ آور کی گرفتاری اور انصاف کی فراہمی کو یقینی بنانے کے احکامات دئیے تھے۔
