آکلینڈ: کیویز نے پہلے ٹی ٹوئنٹی میچ میں شاہینوں کو شکست دیدی پانچ میچوں کی سیریز کے پہلے ٹاکرے میں قومی ٹیم 227 رنز کے ہدف کے تعاقب میں 180 پر ڈھیر ہو گئی پہلا میچ 46 رنز سے کیویز نے اپنے نام کر لیا۔
پاکستان کی جانب سے اننگز کا آغاز صائم ایوب اور محمد رضوان نے کیا تاہم 33 کے مجموعے پر صائم ایوب 8 گیندوں پر 3 چھکوں اور 2 چوکوں کی مدد سے 27 رنز بنا کر رن آوٴٹ ہو گئے۔
محمد رضوان بھی 25 رنز بنا کر ٹم ساوٴتھی کی گیند پر کیچ آوٴٹ ہو گئے، فخر زمان 15 رنز بنا سکے۔
افتخار احمد 24 رنز بنا کر آوٴٹ ہوئے، اعظم خان نے 10 رنز کی اننگز کھیلی، سابق کپتان بابر اعظم نے 2 چھکوں اور 6 چوکوں کی مدد سے اپنی نصف سنچری مکمل کی اور وہ 57 رنز بنا کر پویلین لوٹ گئے جبکہ کپتان شاہین شاہ آفریدی بغیر کھاتہ کھولے ہی چلتے بنے۔
نیوزی لینڈ کی جانب سے فن ایلن اور ڈیون کونوے نے اننگز کا آغاز کیا لیکن دوسری ہی گیند پر شاہین آفریدی نے کونوے کو کیچ آوٴٹ کرا دیا تاہم اننگز کے تیسرے اوور میں شاہین آفریدی نے 24 رنز دے دیئے۔
فن ایلن عباس آفریدی کا شکار بنے انہوں نے 15 گیندوں پر 3 چھکوں اور 3 چوکوں کی مدد سے 34 رنز کی اننگز کھیلی، انہیں ڈیبیو کرنے والے عباس آفریدی نے آوٴٹ کیا۔
پاکستانی فیلڈرز کی جانب سے کئی آسان کیچز ڈراپ اور مس فیلڈنگ کی گئی جس کا کیوی بیٹرز نے بھرپور فائدہ اٹھایا اور نیوزی لینڈ کی تیسری وکٹ 128 رنز پر گری جب کین ولیمسن 57 رنز کی اننگز کھیل کر آوٴٹ ہوئے، ان کی اننگز میں 9 چوکے شامل تھے۔
نیوزی لینڈ کی چوتھی وکٹ گلین فلپس کی صورت جب گری جب عباس آفریدی کی گیند پر بابر اعظم نے انہیں صرف 19 رنز پر کیچ آوٴٹ کردیا، اس کے بعد پچ پر موجود ڈیرل مچل 61 رنز بنا کر شاہین آفریدی کی گیند پر پویلین لوٹ گئے، ڈیرل نے 27 گیندوں پر 61 رنز کی شاندار اننگز کھیلی۔
جس کے بعد نیوزی لینڈ کی جانب سے مارک چیمپن 26، ایڈم ملن 10 اور ایش سودھی بغیر کوئی رن بنائے پویلین لوٹ گئے جبکہ ٹم ساوٴتھی 6 اور میٹ ہنری صفر پر ناٹ ا?وٴٹ رہے۔
پاکستان کی جانب سے کپتان شاہین شاہ ا?فریدی اور ڈیبیو کرنے والے نوجوان پیسر عباس ا?فریدی نے 3، 3 جبکہ حارث روٴف نے 2 کھلاڑیوں کو ا?وٴٹ کیا۔
قبل ازیں ٹاس کے بعد گفتگو کرتے ہوئے پاکستان کرکٹ ٹیم کے کپتان شاہین ا?فریدی نے کہا کہ پچ باوٴلنگ کے لیے سازگار ہے اس لیے پہلے باوٴلنگ کو ترجیح دی، کوشش ہوگی نیوزی لینڈ کو کم سے کم رنز تک محدود کر سکیں۔
اس موقع پر نیوزی لینڈ کے کپتان کین ولیمسن نے کہا کہ بدقسمتی سے مچل سینٹنر ٹیم میں شامل نہیں ہیں، پاکستان کو اچھا ہدف دینے کی کوشش کریں گے۔
قومی سکواڈ میں کپتان شاہین آفریدی، بابراعظم، نائب کپتان محمد رضوان، صائم ایوب، اعظم خان، فخر زمان، افتخار احمد، حارث روٴف اور عامر جمال شامل تھے۔ان کے علاوہ ازیں آج ے میچ میں اسامہ میر اور نوجوان فاسٹ باوٴلر عباس آفریدی کا ڈیبیو ہوا ہے۔
نیوزی لینڈ کی ٹیم میں کپتان کین ولیمسن، ڈیون کانوے، فن ایلن، ڈیرل مچل، گلین فلپس، مارک چیپمین، ایڈم ملن، ایش سودھی، میٹ ہنری، ٹیم ساوٴتھی، بین سیئرز شامل تھے
