لندن: پاکستان نژاد برطانوی باکسر عامر خان کی اہلیہ اور نامور سوشل میڈیا انفلوئنسر فریال مخدوم نے بھارتی اداکارہ پریانکا چوپڑا کو شدید تنقید کا نشانہ بنایا ہے۔
سابقہ مس ورلڈ پریانکا چوپڑا نے انسٹاگرام پر اسرائیل کی طرف سے غزہ میں جاری وحشیانہ مظالم پر ایک پوسٹ کی تھی جسے انہوں نے بعد میں اپنے اکاؤنٹ سے ہٹادیا۔
اسرائیلی مظالم پر پوسٹ ہٹانے پر فریال مخدوم نے اداکارہ کو شدید تنقید کا نشانہ بناتے ہوئے لکھا کہ لوگ ان کو ریٹنگ دینے سے رک جائیں۔
فریال مخدوم نے لکھا کہ پریانکا چوپڑا ہماری تعریف کی مستحق نہیں ہے اور وہ فلسطینی عوام کے ساتھ نہیں ہے اسی لئے اس نے اپنی پوسٹ کو ہٹادیا۔
خیال رہے کہ فریال مخدوم اسرائیلی وحشیانہ بمباری پر شروع کے دن سے لوگوں میں سوشل میڈیا پر آگہی پھیلارہی ہے اور اسرائیل نے اس جنگ میں اب تک ہزاروں بچے، عورتیں اور مرد شہید کردیئے ہیں۔
