ہنگو: پشاور سے پارا چنار جانے والی مسافر بس پر ہنگو میں شرپسند عناصر نے اندھا دھند فائرنگ کی جس کے نتیجے میں دو مسافر جاں بحق جبکہ چار زخمی ہوگئے۔
پولیس کے مطابق مسافر فلائنگ کوچ پشاور سے پارہ چنار جارہی تھی جس کو ہنگو میں تھانہ سٹی کی حدود میں جرنیلی روڈ پر شرپسندوں نے فائرنگ کا نشانہ بنایا۔
پولیس کے مطابق فائرنگ کے نتیجے میں دو مسافر موقع پر ہی جاں بحق ہوگئے جبکہ چھ شدید زخمی ہوئے جنہیں فوری طبی امداد کے ہیے ڈی ایچ کیو اسپتال ہنگو منتقل کیا گیا تاہم دو مسافر دوران علاج دم توڑ گئے۔
ڈسٹرکٹ پولیس آفیسر نثار احمد خان نے اسپتال میں جاکر زخمیوں کی عیادت کی اور جائے وقوعہ کا دورہ کیا۔ ان کا کہنا ہے کہ سرچ آپریشن شروع کر دیا گیا۔
اسپتال انتظامیہ کے مطابق زخمی ہونے والے چار مسافروں کی حالت تشویشناک ہے۔
