لندن:برطانیہ کے شاہ چارلس سوم کی سابقہ اہلیہ اور پرنسس آف ویلز آنجہانی لیڈی ڈیانا کا 1985ء کی ایک شام کو پہنا جانے والا سیاہ لباس (گاؤن) گزشتہ روز ہالی ووڈ آکشن میں ریکارڈ ساڑھے 11 لاکھ ڈالرز میں نیلام ہوگیا۔
برطانوی میڈیا کے مطابق یہ رقم اس سے 11 گنا زیادہ ہے جو کہ اس کی فروخت کے لیے تخمینہ لگایا گیا تھا۔ شہزادی ڈیانا نے یہ لباس 1985 میں اپنے شوہر اور اس وقت کے ولی عہد شہزادہ چارلس کے ساتھ دورہ اٹلی کے موقع پر فلورنس کے پلازو ویکیو میں ایک ڈنر کے دوران پہنا تھا۔
برطانوی میڈیا کے مطابق موجودہ ولی عہد سلطنت شہزادہ ولیم اور ان کے بھائی شہزادہ ہیری کی والدہ آنجہانی لیڈی ڈیانا نے 1985 کے بعد دوبارہ اس گاؤن کو استعمال نہیں کیا تھا۔
سیاہ اور بلیو بیلرینا لینتھ ویلویٹ ایوننگ ڈریس، مراکش اور برطانوی فیشن ڈیزائنر جیکس آزگوری نے ڈیزائن کیا تھا اور یہ ہالی ووڈ کے جولینز آکشن میں لگ بھگ ساڑھے 11 لاکھ ڈالرز میں نیلام ہوا۔
