اسلام آباد:اسلام آباد ہائیکورٹ نے عدلیہ مخالف تقاریرپر سابق وزیر اعظم محمد نواز شریف کے خلاف 2018ء سے زیر سماعت توہین عدالت کی درخواست عدم پیروی پر خارج کردی۔
اسلام آباد ہائیکورٹ کے چیف جسٹس عامر فاروق نے درخواست گزار شہری عدنان اقبال کی درخواست پر سماعت کی۔ تاہم درخواست گزار کی جانب سے کوئی بھی عدالت میں پیش نہ ہوا۔
عدالت نے عدم پیروی پر توہین عدالت کی درخواست خارج کرنے کا حکم سنادیا۔
سال 2018 میں شہری نے درخواست دائر کرتے ہوئے نوازشریف کے عدلیہ مخالف بیانات پرتوہین عدالت کی کاروائی کی استدعا کی گئی تھی۔
