لاہور: معروف پاکستانی ٹک ٹاکر کنول آفتاب نے پُرتعیش زندگی گزارنے پر خود پر ہونے والی تنقید پر خاموشی توڑ دی۔
حال ہی میں ایک پوڈ کاسٹ میں گفتگو کرتے ہوئے کنول آفتاب نے اپنے موجودہ طرز زندگی اور ماضی کے مالی حالات کا تذکرہ کیا۔
ٹک ٹاکر نے اپنے پرتعیش طرز زندگی پر تنقید کرنے والوں کو مخاطب کرتے ہوئے کہا کہ "میری جہاں سے شروعات ہوئی، میں اب بھی وہیں ہوں، مڈل کلاس فیملی میں پیدا ہوئی اور آج بھی مڈل کلاس فیملی میں ایک اچھی زندگی گزار رہی ہوں۔
انہوں نے کہا کہ لوگ سوچتے ہیں کہ سوشل میڈیا انفلوئنسر بننے سے پہلے ہم انتہائی غریب تھے تو ایسا ہرگز نہیں ہے، پہلے ہم گھر والوں کے رحم و کرم پر تھے اور اب اپنی محنت سے یہ زندگی گزار رہے ہیں۔
ان کا مزید کہنا تھا کہ پہلے میں صرف ٹک ٹاک ویڈیوز بناتی تھی اس لیے کچھ بھی نہیں دکھاتی تھی،اب میں نے یوٹیوب ویلاگز کی وجہ سے سب کچھ دکھانا شروع کردیا ہے،اسی لیے لوگ سمجھتے ہیں کہ پہلے ہمارے پاس کچھ نہیں تھا اور اب سب کچھ ہے۔
