اسلام آباد: بین الاقوامی مالیاتی فنڈ(آئی ایم ایف) مشن پاکستان پہنچ گیا ہے اورآئی ایم ایف وفد اور ایف بی آر حکام کے درمیان ابتدائی مذاکرات شروع ہوگئے ہیں چیئرمین ایف بی آرنے سربراہی میں ٹیم کی آئی ایم ایف کو بریفنگ دیتے ہوئے بتایا ہے کہ رواں مالی سال کے پہلے تین ماہ میں 2652 ارب روپے ٹیکس جمع کیا گیا ہے جبکہ باقاعدہ مذاکرات کل ہونگے۔
ذرائع وزارت خزانہ کے مطابق معاشی ٹیم نے آئی ایم ایف مشن کیساتھ تعارفی سیشن میں معاشی اہداف پر رپورٹ جمع کرائی، آئی ایم ایف کیساتھ مذاکرات کا آغاز ہو گیا، تعارفی سیشن میں معاشی صورتحال پر بریفنگ دی گئی۔
ذرائع وزارت خزانہ کے مطابق وزیرمملکت برائے خزانہ نے تعارفی سیشن میں وفد کو معاشی صورتحال پر بریف کیا، تعارفی سیشن میں وزارت خزانہ، ایف بی آر، سٹیٹ بنک حکام شریک ہوئے، رواں مالی سال کی پہلی سہ ماہی کے دوران معاشی اہداف پر وفد کو بریف کیا گیا۔
ذرائع وزارت خزانہ کا کہنا ہے کہ ایف بی آر کے جولائی سے ستمبر تک محصولات اہداف پر وفد کو آگاہ کیا گیا، آئی ایم ایف وفد رپورٹ دیکھ کا جائزہ لیکر متعلقہ وزارتوں سے مذاکرات کرے گا۔
