راولپنڈی: پاکستان تحریک انصاف کی جانب سے جلسے کی اجازت نہ ملنے کی صورت میں احتجاج کے اعلان کے بعد پولیس نے لیاقت باغ کو سیل کردیا۔
لیاقت باغ کے گیٹ پر تالے لگادیے گئے ہیں جبکہ پولیس کی بھاری نفری کو لیاقت باغ کے اندر اور باہر تعینات کردیا گیا ہے۔
لیاقت باغ میں چہل قدمی کے لیے آنے والے افراد کو بھی باہر نکال دیا گیا ہے۔
خیال رہے کہ پی ٹی آئی نے 28 ستمبر کو لیاقت باغ میں جلسے کا اعلان کررکھا ہے تاہم تاحال اسے انتظامیہ کی جانب سے جلسے کی اجازت نہیں دی گئی۔
جلسے کی اجازت نہ ملنے کی صورت میں پی ٹی آئی اے نے اسی مقام پر احتجاج کا اعلان کیا ہے، جس کے بعد لیاقت باغ کو سیل کردیا گیا ہے۔
