پشاور: خیبرپختونخوا کے بلدیاتی نمائندوں نے اختیارات نہ ملنے پر پی ٹی آئی کے بانی چیئرمین عمران خان کو خط لکھ دیا۔
خط میں بلدیاتی نمائندوں نے بانی پی ٹی آئی سے شکایت کرتے ہوئے کہا کہ خیبرپختونخوا حکومت بلدیاتی نمائندوں کے مسائل حل کرنے میں دلچپسی نہیں لے رہی۔
خط میں مزید کہا گیا ہے کہ لوکل گورنمنٹ ایکٹ 2019 میں ترامیم کے بلدیاتی نمائندوں کے اختیارات کم کردیے گئے ہیں اور مقامی حکومتوں کی گرانٹس کی فراہمی کی شق (2) 30 ب کو حذف کرکے مقامی حکومتوں کو انتظامی اور مالی طور پر مفلوج کردیا گیا ہے۔
بلدیاتی نمائندوں نے خط میں بانی چیئرمین پی ٹی آئی سے مطالبہ کیا ہے کہ لوکل گورنمنٹ ایکٹ 2019 میں ہونے والی ترامیم کو ختم کیا جائے۔
پانی پی ٹی آئی کو بھیجے گئے خط کی کاپی وزیراعلیٰ، وزیر بلدیات اور سیکرٹری بلدیات کو بھیجی گئی ہے۔
