اسلام آباد: مسجد نبوی کے امام فضیل الشیخ ڈاکٹر صلاح بن محمد البدیر 7 روزہ خیرسگالی دورے پر پاکستان پہنچ گئے۔
ترجمانِ وزارت کے مطابق وزیر مذہبی امورچوہدری سالک حسین، سعودی سفیر نواف بن سعید المالکی، سیکرٹری مذہبی امور ذوالفقار حیدر نے معزز مہمان کا استقبال کیا۔ مسجد نبوی کے امام فیصل مسجد میں نماز جمعہ کی اقتدا کریں گے۔
امام مسجد نبوی ڈاکٹر صلاح بن محمد البدیر اپنے 7 روزہ دورہ خیر سگالی کے دوران صدر مملکت آصف علی زرداری، وزیراعظم محمد شہباز شریف اور دیگر رہنماوٴں سے ملاقاتیں بھی کریں گے۔ علاوہ ازیں معزز مہمان جید پاکستانی علمائے کرام سے ملاقاتیں بھی کریں گے۔
