غزہ : اسرائیلی فوج کی غزہ میں خونریز کارروائیوں کا سلسلہ جاری ہے،چوبیس گھنٹوں میں مختلف علاقوں میں بمباری سے 47فلسطینی شہید، 103 افراد زخمی ہوگئے ہیں۔
عرب میڈیا رپورٹس کے مطابق وسطی غزہ کے علاقے دیرالبلاح میں زخمی اور بے گھرفلسطینیوں کے سکول پر فضائی حملے کیے گئے، حملوں میں بچوں سمیت30فلسطینی شہید،متعدد افراد زخمی ہوگئے جبکہ خان یونس میں ایک گھر پر اسرائیلی حملے کے نتیجے میں 15 افراد شہید ہو گئے۔
رپورٹس میں بتایا گیا کہ مشرق میں بنی سہیلہ کے علاقے میں اسرائیلی بمباری سےایک بچے سمیت دو فلسطینی شہید ہوئے، دوسری جانب قسام بریگیڈ نے مشن گن اور دستی بموں سے اسرائیلی فوجیوں پر حملے کیے، حملوں میں مسلح ونگ کا متعدد اسرائیلی فوجی ہلاک اور زخمی کرنے کا دعویٰ سامنے آیا ہے۔
یاد رہے کہ غزہ میں اسرائیلی فورسز کی خون ریز کارروائیوں میں مجموعی طور پر 39ہزار 258 فلسطینی شہید جبکہ 90ہزار 589افراد زخمی ہوچکے ہیں ، تاہم سینکڑوں کی تعداد میں معذوری کی حالت میں زندگی بسرکر رہے ہیں۔
