کراچی: اداکارہ فضا علی نے اپنی شادی کی افواہیں پھیلانے والوں کو آڑے ہاتھوں لے لیا۔اداکارہ نے کہا کہ میری شادی کی جھوٹی خبریں پھیلانے والوں نے شاید میرا جہیز بھی جمع کر لیا ہوگا۔
اداکارہ اور ماڈل فضا علی نے سوشل میڈیا پر بیان میں اپنی شادی کے بارے میں جھوٹی خبریں پھیلانے والے یوٹیوبرز، بلاگرز اور ٹی وی چینلز سے ناراضی کا اظہار کرتے ہوئے کہا کہ وہ ان کی نہیں بلکہ اپنی بہنوں کی شادی کی فکر کریں۔
فضا علی کا مزید کہنا تھا کہ میں کام کے سلسلے میں لندن یا نیویارک جاوٴں تو میری شادی کی جھوٹی خبریں پھیلا دی جاتی ہیں۔ کیا میں جہاں کام یا گھومنے کے لیے جاوٴں وہاں جا کر شادی کرلیتی ہوں۔ میری شادی کی جھوٹی خبریں پھیلانے والوں نے شاید میرا جہیز بھی جمع کر لیا ہوگا۔
اداکارہ نے کہا کہ جھوٹی اور من گھڑت خبریں پھیلانے والوں کو سمجھنا چاہئیے کہ ایسی جھوٹی افواہوں اور خبروں پر دل دکھتا ہے اور پریشانی ہوتی ہے۔
