کنگز ٹاوٴن: آئی سی سی ٹی20 ورلڈکپ میں سپر ایٹ مرحلے کے اہم میچ میں افغانستان نے بنگلہ دیش کو شکست دیکر ٹورنامنٹ کے سیمی فائنل کیلئے کوالیفائی کرلیا۔
بارش سے قبل ہدف کے تعاقب میں بنگلہ دیش کا آغاز بھی اچھا نہیں تھا، صرف 23 رنز پر 3 کھلاڑی پویلین لوٹ چکے ہیں، بنگلہ دیش نے 3.2 اوورز میں 3 وکٹوں کے نقصان پر 31 رنز بنا لیے ہیں
اس اہم میچ میں پہلے بیٹنگ کرتے ہوئے افغانستان کے بیٹسمین بیٹنگ کرنا بھول گئے اور بنگلہ دیش کو جیت کے لیے صرف 116 رنز کا ہدف دیا۔
افغانستان کا ٹاس جیت کر پہلے بیٹنگ کرنے کے فیصلے کو دیکھ کر اندازہ ہو رہا تھا کہ شاید افغانستان اسکور بورڈ پر بڑا اسکور سجانے کا ارادہ لے کر آیا ہے مگر افغان ٹیم مقررہ 20 اوورز میں 5 وکٹ کے نقصان پر صرف 115 رنز بنا سکی۔
گزشتہ میچ کی طرح اس میچ میں بھی افغان اوپنرز نے جارحانہ انداز اپنانے کے بجائے انتہائی محتاط انداز اختیار کیا، دونوں کے درمیان 10.4 اوورز میں صرف 59 رنز کی پارٹنر شپ بنی، ابراہیم زردان نے 29 گیندوں پر 18 رنز بنائے، جبکہ رحمان اللہ گرباز 55 گیندوں پر 43 رنز بنا کر آوٴٹ ہوئے۔
بعد میں آنے والے بیٹسمین رنز کی رفتار بڑھانے کی کوشش میں کامیاب نہ ہو سکے، عظمت اللہ عمر زئی 10، گلبدین نائب 4، اور محمد نبی 1 رن بنا سکے۔
کریم جنت 7 اور کپتان راشد خان 19 رنز پر ناٹ آوٴٹ رہے۔
بنگلہ دیش کی جانب سے رشاد حسین نے 3 کھلاڑیوں کو آوٴٹ کیا، تسکین احمد اور مستفیض الرحمان نے ایک، ایک وکٹ حاصل کی۔
