لاہور: محکمہ تعلیم نے چلڈرن لائبریری کو سٹیٹ آف دی آرٹ ماڈل بنانے کا فیصلہ کر لیا۔
چلڈرن لائبریری کو بچوں کے ساتھ ساتھ عام عوام کی دلچسپی سے بھی ہم آہنگ کیا جائے گا، وزیر تعلیم رانا سکندر حیات نے چلڈرن لائبریری انتظامیہ کو لائحہ عمل مرتب کرنے کی ہدایت کر دی،انہوں نے چلڈرن لائبریری کو سسٹین ایبل ماڈل بنانے کیلئے ایک ہفتہ میں پلان طلب کر لیا۔
وزیر تعلیم رانا سکندر حیات کا کہنا ہے چلڈرن لائبریری میں جدید ٹیکنالوجی سے ہم آہنگ آئی ٹی پروگرام لانچ کئے جائیں، چلڈرن لائبریری میں سپیس ٹنل بھی بنائی جائے گی، چلڈرن لائبریری کو بچوں اور بڑوں دونوں کی دلچسپی سے ہم آہنگ کیا جائے گا، چلڈرن لائبریری کی سرگرمیوں کو مدارس سمیت تمام تعلیمی اداروں کیلئے بھی پرکشش بنایا جائے گا۔
