اسلام آباد: پاکستان تحریک انصاف کے رہنما ء اسد قیصر کاکہناہے کہ ہماری گزشتہ روز کی میڈیا سے گفتگو کو سیاق و سباق سے ہٹ کر پیش کیا گیا۔
سابق سپیکر قومی اسمبلی اسد قیصر نے سماجی رابطوں کی ویب سائٹ ایکس پر پیغام جاری کرتے ہوئے کہا ہے کہ میڈیا گفتگو سے غلط تاثر لیا جارہا ہے، انتخابی نتائج پر اعتراضات ہیں، الیکشن کمیشن اور عدالتوں سے انصاف کے متقاضی ہیں۔
اسد قیصر نے کہا ہے کہ ہم صرف اپنے الیکشن کمیشن اور عدالتی نظام سے انصاف کے طلب گار ہیں۔
انہوں نے کہا ہے کہ کسی غیرملکی کی ہمارے انتخابات سمیت داخلی معاملات میں مداخلت اور بیان کے حق میں نہیں، غیرملکی عناصر کی ہمارے اندرونی معاملات سے متعلق بیانات کے حق میں بھی نہیں ہوں۔
