ظفروال: سینئر سیاسی رہنما دانیال عزیز نے کہا کہ میرے حریف شکست دیکھ کر اوچھے ہتھکنڈوں پر اتر آئے ہیں۔
میڈیا سے گفتگو کرتے ہوئے سینئر سیاسی رہنما دانیال عزیز نےکہا کہ نارووال میں لوگوں کے گھروں کی دیواروں کو پھلانگا جارہا ہے، 45 یونین کونسلز چیئرمین ہائی کورٹس گئے ہیں، میرے سپورٹرز کے پٹرول پمپس بند اور کاروبار تباہ کئے جارہے ہیں۔
دانیال عزیز نے کہا کہ میں نے پارٹی چھوڑی نہ مسلم لیگ ن نے کوئی نوٹس دیا ہے، میرے حریف کو شکست نظر آرہی ہے، اس طرح کے ہتھکنڈے تب کئے جاتے ہیں جب پذیرائی نہیں ملتی۔
