اسلام آباد:چیئرمین پاکستان تحریک انصاف بیرسٹر گوہر نے کہا ہے کہ ہمارا لیڈر جیل میں ہے ہمیں اس کے مقصد کو دیکھنا ہے، پی ٹی آئی کے عہدیدار اور کارکن اختلافات میں نہ پڑیں۔شیخ رشید سے الیکشن کے حوالے پہلے اتحاد تھا لیکن اب نہیں ہوگا۔
انہوں نے کہا کہ کل شام تک امیدواروں کی لسٹیں فائنل کرلیں گے، بہت کم سیٹیں ہیں جہاں پر امیدواروں کو فائنل کرنا ہے، پی ٹی آئی کے امیدواروں کی لسٹیں ویب سائٹ پر بھی اپلوڈ کریں گے، پی ٹی آئی کے ووٹر اپنے امیدواروں کی پہچان کریں، شیخ رشید سے الیکشن کے حوالے پہلے اتحاد تھا لیکن اب نہیں ہوگا۔
بیرسٹر گوہر کا مزید کہنا تھا کہ بلاول پیپلزپارٹی کے چیئرمین ہوتے ہوئے پی پی پی پارلیمنٹیرین کے ٹکٹ پرالیکشن لڑ رہے ہیں،کراچی میں (ن)لیگ کے ٹکٹ پر جی ڈی اے کے لوگ انتخابات میں حصہ لے رہے ہیں۔
