اسلام آباد: بانی پی ٹی آئی اور فواد چودھری کیخلاف توہین الیکشن کمیشن کیسز مرکزی سیکرٹریٹ منتقل کرنے کا فیصلہ کر لیا گیا۔
ذرائع کے مطابق توہین الیکشن کمیشن کیسز کی سماعت اب اڈیالہ جیل کے بجائے الیکشن کمیشن میں ہوگی، توہین الیکشن کمیشن کیس میں بانی پی ٹی آئی اور فواد چوہدری پر فرد جرم عائد ہوچکی۔
یاد رہے کہ سکیورٹی وجوہات کے باعث بانی پی ٹی آئی کے خلاف توہین الیکشن کمیشن کیس کی سماعت اڈیالہ جیل میں کی جارہی تھی۔
