راولپنڈی:راولپنڈی تھانہ چونترہ کے علاقے میں مخالفین کی گاڑی پر فائرنگ سے 8 سالہ بچی سمیت 3 افراد جاں بحق جبکہ 3 شدید زخمی ہوگئے، ملزمان فائرنگ کے بعد موقع سے فرار ہوگئے۔
پولیس کے مطابق تھانہ چونترہ کے علاقہ میں گاڑی پر فائرنگ سے8 سالہ بچی سمیت 3 افرادجاں بحق،3شدید زخمی ہوئے، جاں بحق افراد میں شجاع یونس، عاطف اور 8سالہ انابیہ شامل ہیں، زخمی افراد میں فلک شیر، ثاقب اور تابندہ شامل،لاشیں اور زخمیوں کو ہسپتال منتقل کردیا ہے۔
ابتدائی اطلاعات کے مطابق مقتولین گاڑی پر جا رہے تھے کہ مخالف فریق نے فائرنگ کی، واقعہ سابقہ دشمنی کا شاخسانہ ہے۔
واقعہ پر سی پی او سید خالد ہمدانی نے نوٹس لیتے ہوئے ایس پی صدر سے تفصیلی رپورٹ طلب کرلی ہے اور ملوث ملزمان کی فوری گرفتاری کرنے کا حکم دیا ہے۔
