پاکستان تحریک انصاف کے رہنما اور سابق وزیر اعلیٰ پنجاب چوہدری پرویز الہٰی کو ہسپتال سے واپس جیل منتقل کردیا گیا۔
پولیس پرویز الہٰی کو طبی معائنے کے بعد کارڈیالوجی ہسپتال سے لے کر اڈیالہ جیل روانہ ہوگئی۔
ذرائع کا کہنا ہے کہ سابق وزیر اعلیٰ پنجاب چوہدری پرویز الہٰی کا تھیلیم اسکین ٹیسٹ نارمل آیا، چوہدری پرویز الہٰی کے دیگر ٹیسٹ کی رپورٹس ابھی آنا باقی ہیں۔
آج صبح چوہدری پرویز الہٰی کی صحت خراب ہونے پر راولپنڈی کارڈیالوجی ہسپتال لایا گیا تھا، انہیں ایک ہفتہ قبل بھی ٹیسٹ کے لیے کارڈیالوجی ہسپتال لے جایا گیا تھا۔
