راولپنڈی : پاکستان نے میزائل "فتح ٹو” کا کامیاب تجربہ کیا ہے۔ مسلح افواج کے سینئر افسران نے کامیاب میزائل تجربے کامشاہدہ کیا۔
آئی ایس پی آر کے مطابق پاکستان نے جدید نظام سے لیس میزائل "فتح ٹو” کا کامیاب تجربہ کیا ہے۔
آئی ایس پی آر کے مطابق میزائل جدید ترین ایویونکس، نیویگیشن سسٹم اور منفرد رفتار سے لیس ہے، فتح ٹو 400 کلومیٹر تک اہداف کو درست نشانہ بنانے کی صلاحیت رکھتا ہے۔
آئی ایس پی آر کاکہناہے کہ مسلح افواج کے سینئر افسران نے کامیاب میزائل تجربے کامشاہدہ کیا۔
آئی ایس پی آر کے مطابق صدر مملکت، وزیراعظم، چیئرمین جوائنٹ چیفس آف اسٹاف کمیٹی اور آرمی چیف نے کامیاب میزائل تجربے پر انجینئرز اور سائنسدانوں کو مبارکباد دی ہے۔
