راولپنڈی: تھانہ ایئرپورٹ کے علاقے میں احتساب عدالت کے جج کے اسکواڈ کے قریب فائرنگ کا واقعہ پیش آیا، جج اور اسکواڈ محفوظ رہا، فائرنگ کرنےو الے ملزم کو گرفتار کرلیا گیا۔
تھانہ ایئرپورٹ کے علاقے میں ایئرپورٹ روڈ سے گزرتے ہوئے احتساب عدالت کے جج کے اسکواڈ کے قریب ایک شخص نے فائرنگ کردی جسے پولیس نے گرفتار کرلیا۔
ترجمان راولپنڈی پولیس کا کہنا ہے کہ معاملہ فیملی سے ناراضگی پر ہوائی فائرنگ کا ہے کسی اہم شخصیت پرفائرنگ کا نہیں۔
ملزم شایان ذوالفقار گاڑی میں فیملی کے ساتھ جارہا تھا کہ فیملی سے تلخ کلامی ہوئی جس پر اس نے گاڑی سے اتر کر ہوائی فائرنگ کی جبکہ وہ نشے میں بھی تھا۔
فائرنگ کے واقعے کے بعد ایئرپورٹ پولیس نے فوراً موقع پر پہنچ کر ملزم کو گرفتار کرلیا۔
ترجمان پولیس کا کہنا ہے کہ فائرنگ کے واقعے میں جج اور اور پولیس اسکواڈ محفوظ رہا جبکہ ملزم شایان ذوالفقار کو حراست میں لے کر تھانہ ایئرپورٹ منتقل کردیا گیا ہے اور مزید تحقیقات کی جارہی ہے۔
