اسلام آباد: وفاقی تحقیقاتی ایجنسی (ایف آئی اے) نے سابق مشیر احتساب شہزاد اکبر کی گرفتاری کے لیے انٹر پول کو خط لکھ دیا۔
ذرائع کے مطابق شہزاد اکبر کی گرفتاری کے لیے اسلام آباد پولیس کی جانب سے ایف آئی اے کو خط لکھا گیا جس کے بعد وفاقی تحقیقاتی ایجنسی نے انٹرپول کو خط لکھا۔
شہزاد اکبر کے خلاف اسلام آباد کے تھانہ سیکرٹریٹ میں فراڈ اور نوسربازی کا مقدمہ درج ہے اور انہیں اسی مقدمے میں اشتہاری بھی قرار دیا گیا ہے۔
اس کے علاوہ ازیں شہزاد اکبر کو 190 ملین پاؤنڈز سکینڈل کیس میں گرفتار کر کے 6 جنوری کو احتساب عدالت میں پیش کرنے کا حکم بھی دیا گیا ہے۔
