اسلام آباد: نگران وزیر اعظم انوارالحق کاکڑ آج متحدہ عرب امارات (یواے ای ) کا دورہ کریں گے ۔
ترجمان دفتر خارجہ کے مطابق وزیر اعظم تین روزہ دورے میں یو اے ای کے صدر شیخ محمد بن زید سے ملاقات کریں گے، ملاقات میں سیاسی، معاشی امور ،تجارت ،سرمایہ کاری بڑھانے پر بات ہو گی ۔
ترجمان کے مطابق ملاقات میں ثقافت، دفاع کے شعبہ میں تعاون اور عوامی روابط بڑھانے پر بھی بات ہو گی ، دورے میں یو اے ای سے کئی شعبوں میں تعاون کے لیے مفاہمت کی یادداشتوں پر دستخط ہوں گے ، ان میں توانائی ،بندرگاہوں پر تعاون ،ویسٹ واٹر ٹریٹمنٹ ،غذائی تحفظ کے شعبہ شامل ہیں۔
ترجمان کے مطابق لاجسٹک ،کان کنی،ہوابازی اور بینکاری و مالی سروسز کے شعبہ بھی شامل ہیں ، پاکستان اور یو اے ای کی دوستی پرانی اور ہر مشکل وقت میں آزمائی ہوئی ہے ۔
